omhelland.com » Volleyball

Toball

Ole Martin — Fri, 19 Mar 2010 13:49:40 +0000

Toball er ein heilt genial oppvarmingsøvelse. Det foregår slik at to lag spelar mot kvarandre med to ballar. Du server på likt, og må vinne begge ballane for å få poeng. I tillegg finns det ein herlig uskreven regel som gjer at du har lov til litt fleire kreative slag enn i vanlig volleyball.

Det er liten tvil om at det er toball som er nøkkelen til suksess i volleyball. Alle bør spele toball. Helst særs ofte, og særs lenge. Under ser du resultatet av litt testfilming med Flipen av toballen under gårsdagens trening. Du kan sjå filmen i litt bedre kvalitet på Vimeo.

Volleyball

Ole Martin — Tue, 02 Feb 2010 11:10:39 +0000

Volleyball. Det var volleyball som fekk flest stemmer i undersøkelsen min om kva eg skulle skrive om. Derfor tar eg her ansvar og skriv eit innlegg om nettopp volleyball. Idretten som opptar mykje av fritida mi har ikkje fått all verdens med spalteplass her i det siste. Eg ser tilbake på blogginnlegg frå eit par-tre-fire år sidan og ser at eg nokså hyppig la ut oppdateringar på kva som skjedde i ymse idrettshallar rundt omkring. Kva har skjedd? Eg byrjar vel å bli gammal. Eg er tross alt kun ètt år yngre enn bestefar.

Eg har denne sesongen hatt gleden av å spele på norges beste volleyballag. Eg er utrulig imponert over bredden i Nyborg. Ein kan så og sei bytte ut heile førsteoppstillinga uten å bli nevneverdig svekka. Det er svært sjeldent i norsk volleyball. Lag er som oftest avhengig av èin eller to nøkkelspelerar.

Den 9. januar i år tok eg mitt første NM-gull for senior. Det var etter å ha vunne cupfinalen 3-0 mot gamle lagkameratar i eit flott arrangement i Randaberghallen. Når det gjeld NM-gull for junior, heng dei litt lausare. Dei kom overraskande tett i gamle dagar. I perioden 1999 – 2003 fekk eg med meg seks NM-gull. Om eg ikkje hugser heilt feil, kunne det med litt marginer på vår side fort blitt eit par til.

For ei god tid tilbake fekk eg ei flott bok av ein særs likandes kar. Mykje av boka handla om å lage lister. Derfor mimrar eg tilbake, og lager ei liste over NM-gulla mine:

1999: NM Kretslag 17 år
2000: NM Junior 17 år
2000: NM Kretslag 17 år
2001: NM for VGS
2002: NM Kretslag 18 år
2003: NM Beach u20
2010: NM Senior

Med årets gull fra 2010, kan eg nå “skryte” på meg å ha NM-gull frå tre forskjellige tiår. Litt usikker på om det er stilig, men uansett.

I etterkant av cupfinalen kom det et meget hyggelig besøk på døra i Bergen. Det var rett og slett ein blomstermann med ein stor og flott blomsterbukett. Dei var sendt fra Suldal Kommune v/ Torkel Myklebust. Takk Torkel!

Ellers er det nå 8 kampar igjen i serien. Der har me has på seriegullet, men det skal ikkje meir enn eit lite feilskjær før Førde er à poeng eller forbi. Så her er det viktig å holde kvaliteten oppe heilt til siste slutt!

Første heimekamp

Ole Martin — Sun, 11 Oct 2009 20:55:12 +0000

Her er ein liten videosnutt fra seriekampen mellom Nyborg og Randaberg. Nyborg vant kampen 3-1. Helene var flink fotograf og fekk tatt et par videoklipp med digitalkamera sitt. Det er ikkje akkurat høgdefinisjonsfilm, men uansett så er det alltid bra med litt videosnuttar. Me står nå med full pott etter fire kampar. Men heile 16 kampar gjenstår, så her har alle mulighet.

Fekk nok av pendling

Ole Martin — Mon, 31 Aug 2009 18:14:32 +0000

Eg fortsatte å spele for Randaberg då eg flytta til Bergen sist haust. Det gjekk både opp og ned, men med tanke på vonde knær og evig mange reisetimar, har eg nå bestemt meg. Eg skal ikkje spele for Randaberg i år. Litt trist, men slik er det ein gong i blant. Etter seks sesongar i Randaberg-drakta (2 bronse og 1 sølv) skal det bli rart å ikkje møte opp i Randaberg-hallen til heimekamp.

Kva skjer nå? Sei det. Eg skal fortsette å spele volleyball. Snart sprettes volleyballsesongen i gang igjen, og då får ein sjå kva drakt eg har på meg.

Mosvangen Open

Ole Martin — Sun, 09 Aug 2009 21:04:12 +0000

Eg meldte meg sjølv heilt uanmeldt som presseansvarlig under den årlige Mosvangen Open. Kunne ikkje spele sjølv, då eg var opptatt på lørdagen, men var innom å myste litt på morningen og ettermiddagen. Det resulterte i litt knipsing med mobilen. Har satt sammen et par videoklipp til ein liten film. Med både sol, lyn, torden og regn fekk dei sju oppmøtte laga oppleve vestlandsværet godt på kroppen. Men spelarane klaga ikkje, og det såg ut som alle hadde det riktig så bra. Ei flott lita turnering.

Beachsesongen er i gang

Ole Martin — Fri, 24 Apr 2009 06:24:18 +0000

Fint når du kan begynne beachsesongen allerede i april. Har vore fint vær den siste veka, og det ga åpning for litt leking på banane ved Skansemyren. Det blei litt kaldt ut på kvisten, då banane ligger særs mange meter over havet. På bildet ser du den eine av to banar der oppe.

Så får me alle håpe på ei vindstille framtid.

Semifinale NM

Ole Martin — Mon, 24 Nov 2008 18:36:36 +0000

Randaberg sesongen 08/09

Ole Martin — Wed, 10 Sep 2008 08:50:26 +0000

Så fort det går i orden med jobb, vil eg i den næraste framtid flytte til Bergen. Det var då ein periode aktuelt å spele for andre klubbar enn Randaberg. Men etter ei god stund i tenkeboksen, valgte eg ein ny sesong i randabergdrakta. Ein stor motivasjonsfaktor er at klubben har henta inn ikkje mindre enn tre utanlandske spelarar.

Det er Toplica fra Bosnia, Mladen fra Serbia og Andrus fra Estland. Toplica er hovedsaklig kantspelar, men ser ut til at han kan spele det meste. I tillegg vil han fungere som hjelpetrenar. Mladen vil bli hovedtrenar og oppleggar. Toplica var først på plass, og kjørte treningane i starten. Mladen kom forrige torsdag, og det begynner virkelig å ta form. Estlenderen Andrus kjem i morgen. I tillegg er Tom Harald Mossmann og Audun Hembre nye fjes. Tom er midtspelar, mens Audun blir vår nye libero. Begge fra fjorårets elitelag til TVN. Med så mange forsterkningar, vil det truleg bli stor kniving om ein plass i startoppstillinga.

Dag, Øystein, Paul og Bjarte har trappa ned på innandørssatsinga denne sesongen, mens Martin vil nok pendle litt mellom parkett og sandkorn. Ron Kjetil har også gitt seg, til fordel for Tromsø. For min egen del, må eg legge opp treninga litt sjølv, der eg somme gonger vil bli å finne på Nyborg-trening, mens andre gonger på Randaberg-trening.

Det ser ut til at eg ikkje skal ha ansvaret for nettsidene til Randaberg i år, så då vil du nok finne volleyballrelaterte saker på oli-bloggen i framtida.

Vår første prøving, kjem allereie til helga. Då arrangeras det nemleg Vest Cup i Stavanger idrettshall. Det er kun fire lag som deltar i eliteklassen; Randaberg, Oslo Volley, Toppvolley Norge og Norge 40+. Kampoppsettet finn du på Vest Cup sine nettsider.

Randaberg kjem truleg til å stille med ein spelarstall som ligner på dette: Mladen, Sturla, Ole Martin, Martin (?), Stian, Toplica, Andrus, Jørgen, Tom Harald, Knut, Henrik og Audun.