I helga gjekk den årlige Vestcup-turneringa av stabelen i Stavanger idrettshall. I eliteklassen for herrer var det i år fem lag med – Nyborg, Randaberg, Førde, Norge +40 og Norge U19.

Med fem lag med, blei det gjennomført eit gruppespel der alle spelte mot alle. Èineren og toeren i gruppa spelte til slutt finale. Etter å ha vunne fire kampar med solide siffer, var me klare for finalen. Det såg lenge ut til at det blei mot Førde, men då Førde tapte for både U19 og Norge +40, blei det til slutt Randaberg.

Etter ein dominerande siger mot Randaberg i gruppespelet, må det vel seias at me var store favorittar til å dra i land sigeren i finalen. Men Randaberg hadde verkeleg fått sving på sakene, og spelt inn ein solid første-sjuer. Med eit heilt eksepsjonelt mottaksspel av Audun og Gøran, blei det vanskelig å ta dei viktige ekstrapoenga. Randaberg vant til slutt 3-2.

Du kjenner godt det å spele fem kampar på to dagar, og ein merka at litt av konsentrasjonen og “futten” var borte under finalen.

Sjekk vestcup.com for fullstendige resultat.

Her er ein liten videosnutt fra seriekampen mellom Nyborg og Randaberg. Nyborg vant kampen 3-1. Helene var flink fotograf og fekk tatt et par videoklipp med digitalkamera sitt. Det er ikkje akkurat høgdefinisjonsfilm, men uansett så er det alltid bra med litt videosnuttar. Me står nå med full pott etter fire kampar. Men heile 16 kampar gjenstår, så her har alle mulighet.

I helga starta serien både for damer og herrer. I år speler eg for Nyborg, og me reiste lørdag for å møte Førde i Førdehuset. Me gjorde ein god kamp og fekk pressa Førde så mykje at det resulterte i ein overbevisande 3-0-seier. Dette lover bra! Ellers slo Randaberg BK Tromsø 3-0 i ein kamp der oppmannen Jan Birger Kirkeli måtte steppe inn i midten! Du finn ellers alle andre resultater på poengliga.no og i serieoppsettet på cupassist.com..

Sist helg var me i Danmark og deltok i det årlige Elitestævnet i Middelfart. Me slo Middelfart 3-2 i finalen. På vei mot finalen slo me bl.a dei danske mesterane Marienlyst 3-0 i semifinalen. Etter kampen kom Mizuno bort med videokamera, og eg fekk lagt inn kampen på pcen min. På rekordtid surfa eg gjennom filmen og klippa ut et par ballvekslingar. Resultatet av det ser du under.

Eg fortsatte å spele for Randaberg då eg flytta til Bergen sist haust. Det gjekk både opp og ned, men med tanke på vonde knær og evig mange reisetimar, har eg nå bestemt meg. Eg skal ikkje spele for Randaberg i år. Litt trist, men slik er det ein gong i blant. Etter seks sesongar i Randaberg-drakta (2 bronse og 1 sølv) skal det bli rart å ikkje møte opp i Randaberg-hallen til heimekamp.

Kva skjer nå? Sei det. Eg skal fortsette å spele volleyball. Snart sprettes volleyballsesongen i gang igjen, og då får ein sjå kva drakt eg har på meg.

Så fort det går i orden med jobb, vil eg i den næraste framtid flytte til Bergen. Det var då ein periode aktuelt å spele for andre klubbar enn Randaberg. Men etter ei god stund i tenkeboksen, valgte eg ein ny sesong i randabergdrakta. Ein stor motivasjonsfaktor er at klubben har henta inn ikkje mindre enn tre utanlandske spelarar.

Det er Toplica fra Bosnia, Mladen fra Serbia og Andrus fra Estland. Toplica er hovedsaklig kantspelar, men ser ut til at han kan spele det meste. I tillegg vil han fungere som hjelpetrenar. Mladen vil bli hovedtrenar og oppleggar. Toplica var først på plass, og kjørte treningane i starten. Mladen kom forrige torsdag, og det begynner virkelig å ta form. Estlenderen Andrus kjem i morgen. I tillegg er Tom Harald Mossmann og Audun Hembre nye fjes. Tom er midtspelar, mens Audun blir vår nye libero. Begge fra fjorårets elitelag til TVN. Med så mange forsterkningar, vil det truleg bli stor kniving om ein plass i startoppstillinga.

Dag, Øystein, Paul og Bjarte har trappa ned på innandørssatsinga denne sesongen, mens Martin vil nok pendle litt mellom parkett og sandkorn. Ron Kjetil har også gitt seg, til fordel for Tromsø. For min egen del, må eg legge opp treninga litt sjølv, der eg somme gonger vil bli å finne på Nyborg-trening, mens andre gonger på Randaberg-trening.

Det ser ut til at eg ikkje skal ha ansvaret for nettsidene til Randaberg i år, så då vil du nok finne volleyballrelaterte saker på oli-bloggen i framtida.

Vår første prøving, kjem allereie til helga. Då arrangeras det nemleg Vest Cup i Stavanger idrettshall. Det er kun fire lag som deltar i eliteklassen; Randaberg, Oslo Volley, Toppvolley Norge og Norge 40+. Kampoppsettet finn du på Vest Cup sine nettsider.

Randaberg kjem truleg til å stille med ein spelarstall som ligner på dette: Mladen, Sturla, Ole Martin, Martin (?), Stian, Toplica, Andrus, Jørgen, Tom Harald, Knut, Henrik og Audun.