Etterkvart har det blitt ein del stæsj i heimen. Dette stæsjet kan, om brukt rett, gi ein god start på dagen. Her kjem eit slags bildeeksempel.

Det starter med den vel brukte Wake-up ligthten. Har brukt den omtrent kvar dag i tre og eit halvt år. Den fungerer like godt enda!

Samtidig som lyset går mot sitt sterkaste startar alarmen på Squeezeboxen. Den står innstilt på å starte Rolig-spelelista mi i Wimp. Ein kurant kombinasjon.

Etter å ha gradvis blitt vekka av lys og John Mayer, rusler ein ut på kjøkkenet og merker at den nykverna kaffien fra i går kveld er blitt trakta. Perfekt.

På ekstra flotte dagar, kan ein i tillegg starte brødbakemaskinen, slik at du kan kombinere den ferske kaffien med ferskt brød.

Som ein slags prikk over noko, kan du og fyre opp dagens ferske avis på fjøla. Då er du klar for å ta fatt på dagen.

I vår/sommar eg stort sett gjort ei oppgradering av alt kva gjeld lyd og bilde i heimen. Her er et par bilete.

Her er eit oversiktsbilde over mediabenken. TVen er et Samsung PS59d555. Plasma og 3D. Perfekt for film. HTPC er ASrock Vision 3D som kjører XBMC med reFocus-tema.

Receiveren er ein Onkyo TX-SR608 der eg har kopla til Harman Kardon HKTS 20 høyttalar og sub.

Til musikk kjører eg Wimp via Logitech Squeezebox rundt om i heile heimen.

Bruker XBMC Commander på iPad for å bla gjennom filmar, tv-seriar, starte youtube-videoar, starte filmar osv.

Sofa og bakhøyttalerar.

Her ser du alt utstyret når dørene er oppe. Mykje rot.

I helga var eg for første gang på tur saman med Happy Hunters. Eg hadde sikta meg inn på å delta på denne turen ei god stund. Eg fekk nemleg nyss i at det ikkje var lange gåturen. Med ein slik knapp gåtur, kan ein utan særs problem laste sekken full av ymse godsaker.

Som den turvante fjellgeita eg er, hadde eg sjølvsagt utstyret i orden. Iallfall dagen før. Med flunka nytt telt, pluss ein god del andre turgadgets, var eg over middels klar for festival på fjellet.

Her ser du teltet mitt slått opp på Pøylånå. Me kom til teltplassen rundt kl 23. Me parkerte bilane ved Skreivassdammen. Etter ca ein time med lett valsing var me framme.

Eg fekk fiska mykje, men sjokkerande nok fekk eg ikkje fisk. Eg fekk likevel øvd på å kasta særs langt. Langt inn i Aust-agder. Totalt blei det vel dratt opp ti fine fisk på åtte festivaldeltakerar. Knut (hilmar1) diska opp med et par fjernsynskjøkkenskills eg knapt har sett make til. Eit utsøkt fiskemåltid blei fordøyd på lørdagskvelden. Tommel opp!

For nokre dagar sidan gjekk eg til innkjøp av eit telt. Eit Helsport Ringstind Light 2. I går satte eg det opp i hagen. Det er vel kanskje 15 år si eg prøvde på noko lignande. Kanskje tolv, men iallfall ekstremt lenge si.

Eg hadde lyst på eit telt som ikkje var for tungt, samtidig som det skulle være lett å sette opp. Då minsker nemleg terskelen for å kome meg ut på tur betraktelig.

Det gjekk relativt greitt å sette det opp, men trur eg skal ha ei testoppsetting til før ilddåpen neste helg. Hadde eit par startproblem. Det gjekk raskare å pakka det ned!

Ellers bør eg setta mobilen på tvers neste gong eg skal lage time lapse-video.

Det er ikkje lenge sidan eg hata ananas. Eg hata det. Det var totalt usannsynlig å ha ananas på pizza. Eller i salaten. Det var noko herk.

Sommaren 2009 skjedde det noko. På stranda i Spania sprang det rundt ein festleg jodlar og gauka om “vitaminos, manana, ananas, vitaminos”. Han solgte ananas. Fersk. Det var skikkelig godsaker! Det kan jo ikkje vera ananas? Det var nok det.

Så no er det kun fersk ananas som gjeld. Vanleg går til nøds. Med eit flott ananasverktøy får du ut det du vil ha enkelt og greitt. Det koster ca. 30 kr på din nærmaste butikk.

Det har faktisk gått så langt at eg vel hotell etter om de har ananas på frokosten eller ei. Stilig. God onsdag!

I dag kjøpte eg veggfeste til iPad-en for under ti kroner. Etter litt research på nettet såg eg at nokon hadde brukt nokre sjølvklebande krokar til å henge opp fjøla. Det måtte eg prøve.

Eg kjørte innom Biltema på veg heim frå jobb og drog med meg eit par krokar. Eg hengte dei opp, og det fungerte overraskande bra! Du kan lett sette iPad-en i, og lett ta den ut.

Nå kan eg sjå på film, ta tida på risen, sette på musikk, lese aviser, sjekke oppskrifter og alt mulig anna mens eg styrer på kjøkkenet. Genialt! Veggfeste eg tenkte på i utgangspunktet koster femti gonger så mykje, så ein kan leve med at ein ser litt av krokane.